Email – [email protected]
ਪਿਛਲੇ ਕੁਝ ਦਿਨਾਂ ਵਿੱਚ “ਸ਼ਹਾਦਤਾਂ ਦੇ ਸਫਰ” ਅਧੀਨ ਸਰਬੰਸ-ਦਾਨੀ ਗੁਰੂ ਗੋਬਿੰਦ ਸਿੰਘ ਮਹਾਰਾਜ ਦੇ ਜੀਵਨ, ਜੰਗਾਂ, ਅਨੰਦਪੁਰ ਸਾਹਿਬ, ਪਰਿਵਾਰ ਵਿਛੋੜੇ ਅਤੇ ਸਾਹਿਬਜ਼ਾਦਿਆਂ ਸਮੇਤ ਅਨੇਕਾਂ ਸਿੰਘ-ਸਿੰਘਣੀਆਂ ਦੀ ਸ਼ਹਾਦਤ ‘ਤੇ ਝਾਤ ਪਵਾਉਂਦੇ ਕਈ ਲੇਖ ਆਪ ਨਾਲ ਸਾਂਝੇ ਕੀਤੇ।
ਇਸ ਦੌਰ ਦੇ ਨਾਇਕਾਂ ਤੇ ਖਲਨਾਇਕਾਂ ਬਾਰੇ ਦੱਸਿਆ। ਮੁਸਲਿਮ ਅਤੇ ਹਿੰਦੂ ਧਰਮਾਂ ਦੇ ਲੋਕ ਨਾਇਕ ਵੀ ਸਨ ਤੇ ਖਲਨਾਇਕ ਵੀ ਪਰ ਸਰਬੱਤ ਦਾ ਭਲਾ ਮੰਗਣ ਵਾਲੀ ਸਿੱਖ ਕੌਮ ਨੇ ਕਦੇ ਕਿਸੇ ਸਮੁੱਚੇ ਧਰਮ ਨਾਲ ਨਫ਼ਰਤ ਨਹੀਂ ਕੀਤੀ।
ਹੁਣ ਸੰਘੀ, ਨਾਸਤਿਕ ਤੇ ਅਖੌਤੀ ਕਾਮਰੇਡ ਸਿੱਖ ਇਤਿਹਾਸ ਨੂੰ ਪੁੱਠਾ ਗੇੜਾ ਦੇਣ ਲਈ ਯਤਨਸ਼ੀਲ ਹਨ, ਜੋ ਕਹਿ ਰਹੇ ਹਨ ਕਿ ਗੰਗੂ ਵਰਗੇ ਪਾਤਰ ਸਿੱਖਾਂ ਦੇ ਪ੍ਰਚਾਰਕਾਂ ਨੇ ਹਿੰਦੂਆਂ ਨਾਲ ਨਫ਼ਰਤ ਪੈਦਾ ਕਰਨ ਲਈ ਪੈਦਾ ਕੀਤੇ ਹਨ। ਚੰਦੂ ਬਾਰੇ ਵੀ ਅਜਿਹਾ ਹੀ ਕਹਿ ਦਿੰਦੇ ਹਨ ਤੇ ਹੋਰ ਭੁਲੇਖੇ ਵੀ ਖੜ੍ਹੇ ਕਰਦੇ ਹਨ।
ਜੇ ਸਿੱਖਾਂ ਨੇ ਗੰਗੂ ਕਾਰਨ ਹੀ ਹਿੰਦੂਆਂ ਨੂੰ ਨਫ਼ਰਤ ਕਰਨੀ ਹੁੰਦੀ ਤਾਂ ਉਸ ਲਈ ਤਾਂ ਇਤਿਹਾਸ ‘ਚ ਪਹਾੜੀ ਹਿੰਦੂ ਰਾਜੇ, ਸੁੱਚਾ ਨੰਦ, ਲਖਪਤ ਰਾਏ-ਜਸਪਤ ਰਾਏ ਮੌਜੂਦ ਸਨ ਪਰ ਸਿੱਖ ਹਿੰਦੂਆਂ ਨਾਲ ਨਫ਼ਰਤ ਨਹੀਂ ਕਰਦੇ, ਜੇ ਕਰਦੇ ਹੁੰਦੇ ਤਾਂ 1947 ਵਿੱਚ ਆਪਣਾ ਨਸੀਬ ਇਨ੍ਹਾਂ ਹੱਥ ਕਿਓਂ ਫੜਾਉਂਦੇ?
ਇਤਿਹਾਸ ਕੇਵਲ ਕਿਤਾਬਾਂ ਜ਼ਰੀਏ ਨਹੀਂ, ਸਾਖੀ ਪ੍ਰਥਾ ਤੇ ਮਾਪਿਆਂ ਰਾਹੀਂ ਵੀ ਅੱਗੇ ਵਧਦਾ।
ਅਜਿਹੇ ਸ਼ਰਾਰਤੀ ਅਨਸਰ ਕਦੇ ਵੀ ਆਰੀਆ ਸਮਾਜੀਆਂ ਖ਼ਿਲਾਫ਼ ਨਹੀਂ ਲਿਖਣਗੇ, ਜਿਨ੍ਹਾਂ ਸਿੱਖਾਂ ਤੇ ਹਿੰਦੂਆਂ ਵਿਚਕਾਰ ਸਭ ਤੋਂ ਵੱਧ ਵਿਵਾਦ ਖੜ੍ਹੇ ਕੀਤੇ।
-ਗੁਰਪ੍ਰੀਤ ਸਿੰਘ ਸਹੋਤਾ | ਸਰੀ | ਚੜ੍ਹਦੀ ਕਲਾ
