Breaking News
Home / ਰਾਸ਼ਟਰੀ / ਫਾਈਜ਼ਰ ਤੇ ਮੌਡਰਨਾ ਦੇ ਆਰਡਰ ਪਹਿਲਾਂ ਹੀ ਫੁੱਲ, ਭਾਰਤ ਨੂੰ ਵੈਕਸੀਨ ਲਈ ਕਰਨ ਪਵੇਗਾ ਇੰਤਜ਼ਾਰ -ਰਿਪੋਰਟ

ਫਾਈਜ਼ਰ ਤੇ ਮੌਡਰਨਾ ਦੇ ਆਰਡਰ ਪਹਿਲਾਂ ਹੀ ਫੁੱਲ, ਭਾਰਤ ਨੂੰ ਵੈਕਸੀਨ ਲਈ ਕਰਨ ਪਵੇਗਾ ਇੰਤਜ਼ਾਰ -ਰਿਪੋਰਟ

ਦੇਸ਼ ਵਿਚ ਕੋਰੋਨਾਵਾਇਰਸ ਦੀ ਦੂਜੀ ਲਹਿਰ (Coronavirus In India) ਕਮਜ਼ੋਰ ਹੋਣ ਵਿਚਾਲੇ ਦੋ ਵੱਡੀਆਂ ਫਾਰਮਾ ਕੰਪਨੀਆਂ ਨੇ ਰਾਜਾਂ ਨੂੰ ਵੈਕਸੀਨ ਦੇਣ ਤੋਂ ਇਨਕਾਰ ਕਰ ਦਿੱਤਾ। ਅਮਰੀਕੀ ਕੰਪਨੀਆਂ ਫਾਈਜ਼ਰ (Pfizer) ਅਤੇ ਮੌਡਰਨਾ (Moderna) ਨੇ ਕਿਹਾ ਹੈ ਕਿ ਉਹ ਟੀਕੇ ਬਾਰੇ ਰਾਜ ਸਰਕਾਰਾਂ ਨਾਲ ਗੱਲਬਾਤ ਨਹੀਂ ਕਰਨਗੇ। ਇਸ ਮਾਮਲੇ ਵਿਚ ਸਿਹਤ ਮੰਤਰਾਲੇ ਵਿਚ ਜੁਆਇੰਟ ਸੈਕਟਰੀ ਲਵ ਅਗਰਵਾਲ ਨੇ ਕਿਹਾ ਕਿ ‘ਫਾਈਜ਼ਰ ਹੋਵੇ ਜਾਂ ਮੌਡਰਨਾ ਅਸੀਂ ਕੇਂਦਰੀ ਪੱਧਰ’ ਤੇ ਤਾਲਮੇਲ ਕਰ ਰਹੇ ਹਾਂ। ਫਾਈਜ਼ਰ ਅਤੇ ਮੌਡਰਨਾ ਦੋਵਾਂ ਦੇ ਪਹਿਲਾਂ ਹੀ ਵਧੇਰੇ ਆਰਡਰ ਹਨ। ਇਹ ਉਸ ਦੇ ਸਰਪਲੱਸ ‘ਤੇ ਨਿਰਭਰ ਕਰੇਗਾ ਕਿ ਉਹ ਭਾਰਤ ਨੂੰ ਕਿੰਨੇ ਟੀਕੇ ਦੇ ਸਕਦੀਆਂ ਹਨ। ‘

ਅਗਰਵਾਲ ਦੀ ਇਹ ਟਿੱਪਣੀ ਉਸ ਸਮੇਂ ਆਈ ਹੈ ਜਦੋਂ ਵਿਦੇਸ਼ ਮੰਤਰੀ ਐਸ ਜੈਸ਼ੰਕਰ ਸੋਮਵਾਰ ਨੂੰ ਚੋਟੀ ਦੇ ਅਮਰੀਕੀ ਅਧਿਕਾਰੀਆਂ ਅਤੇ ਟੀਕਾ ਨਿਰਮਾਤਾਵਾਂ ਨਾਲ ਭਾਰਤ ਨੂੰ ਟੀਕਾ ਸਪਲਾਈ ਬਾਰੇ ਵਿਚਾਰ ਵਟਾਂਦਰੇ ਲਈ ਅਮਰੀਕਾ ਪਹੁੰਚੇ।

ਦਿ ਇੰਡੀਅਨ ਐਕਸਪ੍ਰੈਸ ਦੀ ਇਕ ਰਿਪੋਰਟ ਅਨੁਸਾਰ, 3 ਫਰਵਰੀ ਨੂੰ DCGI ਨੇ ਫਾਈਜ਼ਰ ਦੇ ਮੌਡਰਨਾ ਟੀਕੇ ਲਈ ਐਮਰਜੈਂਸੀ ਵਰਤੋਂ ਦੀ ਸਿਫਾਰਸ਼ ਕਰਨ ਤੋਂ ਇਨਕਾਰ ਕਰ ਦਿੱਤਾ ਜਿਸ ਪਿੱਛੋਂ ਅਮਰੀਕੀ ਫਾਰਮਾਸਿਊਟੀਕਲ ਕੰਪਨੀ ਨੇ ਆਪਣੇ ਪੈਰ ਪਿੱਛੇ ਖਿੱਚ ਲਏ। ਕੋਰੋਨਾ ਦੀ ਦੂਜੀ ਲਹਿਰ ਦੇ ਆਉਣ ਤੋਂ ਬਾਅਦ ਸਰਕਾਰ ਨੇ 13 ਅਪ੍ਰੈਲ ਨੂੰ ਯੂ-ਟਰਨ ਲਿਆ।

ਸਰਕਾਰ ਨੇ ਕਿਹਾ ਸੀ ਕਿ ਜਿਨ੍ਹਾਂ ਟੀਕਿਆਂ ਨੂੰ ਅਮਰੀਕਾ, ਯੂਰਪੀਅਨ ਯੂਨੀਅਨ, ਯੂਕੇ ਅਤੇ ਜਾਪਾਨ ਨੇ ਪ੍ਰਵਾਨਗੀ ਦੇ ਦਿੱਤੀ ਹੈ ਅਤੇ ਵਿਸ਼ਵ ਸਿਹਤ ਸੰਗਠਨ ਦੁਆਰਾ ਸੂਚੀਬੱਧ ਕੀਤਾ ਗਿਆ ਹੈ, ਉਸ ਨੂੰ ਫੇਜ਼ 2 ਅਤੇ 3 ਦੇ ਕਲੀਨਿਕਲ ਅਜ਼ਮਾਇਸ਼ਾਂ ਦੀ ਲੋੜ ਨਹੀਂ ਹੈ। ਇਸ ਨੂੰ ਤਕਰੀਬਨ ਡੇਢ ਮਹੀਨਾ ਹੋ ਗਿਆ ਹੈ, ਪਰ ਹੁਣ ਤੱਕ ਫਾਈਜ਼ਰ ਅਤੇ ਮੌਡਰਨਾ ਵਰਗੀਆਂ ਕੰਪਨੀਆਂ ਨੇ ਭਾਰਤ ਨਾਲ ਸਮਝੌਤਾ ਨਹੀਂ ਕੀਤਾ ਹੈ।

ਰਿਪੋਰਟ ਵਿੱਚ ਭਾਰਤ ਨੂੰ ਫਾਈਜ਼ਰ ਜਾਂ ਮੌਡਰਨਾ ਤੋਂ ਐਂਟੀ-ਕੋਵਿਡ ਟੀਕਾ ਮਿਲਣ ਵਿੱਚ ਦੇਰੀ ਦਾ ਖਦਸ਼ਾ ਹੈ। ਕਿਉਂਕਿ ਕਈ ਹੋਰ ਦੇਸ਼ ਭਾਰਤ ਤੋਂ ਅੱਗੇ ਹਨ। ਉਨ੍ਹਾਂ ਦੀ ਸਪੁਰਦਗੀ ਅਜੇ ਨਹੀਂ ਕੀਤੀ ਗਈ ਹੈ। ਦੋਵੇਂ ਅਮਰੀਕੀ ਕੰਪਨੀਆਂ ਸਾਲ 2023 ਤੱਕ ਇਨ੍ਹਾਂ ਦੇਸ਼ਾਂ ਨੂੰ ਲੱਖਾਂ ਖੁਰਾਕ ਦੇਣ ਲਈ ਸਮਝੌਤਾ ਕਰ ਚੁੱਕੀਆਂ ਹਨ।

Check Also

ਵਾਇਰਲ ਵੀਡੀਉ – ਰਾਮਦੇਵ ਦੀ ਕਲਾਸ ਲੱਗਦੀ ਦੇਖੋ, ਮੋਹਰੇ ਜਵਾਬ ਨਹੀਂ ਆਇਆ

ਇੰਡੀਅਨ ਮੈਡੀਕਲ ਐਸੋਸੀਏਸ਼ਨ (IMA) ਦੇ ਮਹਾਸਚਿਵ( Dr. Jayesh M. Lele) ਨੇ ਲਾਲਾ ਜੀ ਨੂੰ ਕੀਤਾ …

%d bloggers like this: