ਬੱਚਿਆਂ ਦੀਆਂ ਅਸ਼ਲੀਲ ਵੀਡੀਓਜ ਫੌਨ ਵਿੱਚ ਰਖਣ ਕਾਰਨ ਪਰਥ ਹਵਾਈ ਅੱਡੇ ‘ਤੇ ਭਾਰਤੀ ਨਾਗਰਿਕ ਗਿ੍ਫ਼ਤਾਰ

By February 1, 2019


32 ਸਾਲਾ ਭਾਰਤੀ ਨਾਗਰਿਕ ਨੂੰ ਪਰਥ ਹਵਾਈ ਅੱਡੇ ‘ਤੇ ਗਿ੍ਫ਼ਤਾਰ ਕਰ ਲਿਆ ਗਿਆ | ਉਕਤ ਵਿਅਕਤੀ ਵਿਜ਼ਟਰ ਵੀਜ਼ੇ ‘ਤੇ ਕੁਆਲਾਲੰਪੁਰ ਰਾਹੀਂ ਹੁੰਦਾ ਹੋਇਆ ਪਰਥ ਪਹੁੰਚਿਆ ਸੀ |

ਆਸਟ੍ਰੇਲੀਆ ਬਾਰਡਰ ਫੋਰਸ (ਏ. ਬੀ. ਐਫ.) ਦੇ ਅਧਿਕਾਰੀ ਨੇ ਬਿਆਨ ਦਿੰਦੇ ਕਿਹਾ ਕਿ ਉਕਤ ਵਿਅਕਤੀ ਦੇ ਫੋਨਾਂ ਵਿਚ ਬਾਲ ਸੋਸ਼ਣ ਅਤੇ ਬਾਲ ਪੋਰਨੋਗ੍ਰਾਫੀ ਦੀਆਂ ਵੀਡੀਓਜ਼ ਪਾਈਆਂ ਗਈਆਂ |

ਏ. ਬੀ. ਐਫ. ਦੇ ਅਫਸਰਾਂ ਵਲੋਂ ਉਸ ਤੋਂ ਫੋਨ ਜ਼ਬਤ ਕਰ ਲਏ ਗਏ, ਉਸ ਦਾ ਵਿਜ਼ਟਰ ਵੀਜ਼ਾ ਰੱਦ ਕਰ ਦਿੱਤਾ ਗਿਆ ਅਤੇ ਇਤਰਾਜ਼ਯੋਗ ਸਮੱਗਰੀ ਦਾ ਆਯਾਤ ਕਰਨ ਅਤੇ ਰੱਖਣ ਦੇ ਦੋਸ਼ ਵਿਚ ਗਿ੍ਫ਼ਤਾਰ ਕਰ ਲਿਆ ਗਿਆ ਹੈ | ਉਸ ਨੂੰ 10 ਸਾਲ ਦੀ ਕੈਦ ਜਾਂ 5,25,000 ਡਾਲਰ ਦਾ ਜੁਰਮਾਨਾ ਜਾਂ ਫਿਰ ਦੋਵੇਂ ਹੀ ਭੁਗਤਣੇ ਪੈ ਸਕਦੇ ਹਨ |




Tags: , , , ,